Turqi, shkarkohen nga puna edhe 227 gjyqtarë dhe prokurorë

17:49 | 20 Shkurt 2017
Trina Galanxhi

Turqia ka shkarkuar edhe 227 gjyqtarë dhe prokurorë, si pjesë e hetimeve të grusht shtetit të dështuar në korrikun e kaluar, shkruajne mediat turke.

Autoritetet turke kanë arrestuar, shkarkuar më shumë se 100,000 njerëz nga policia, ushtria, shërbimet publike, gjyqësorin, dhe vende të tjera të institucioneve publike që nga tentimi për grusht shtet, transmeton portali arbresh.info.

Akuzat kryesorë për tentimin e grusht shtetit, qeveria e Turqia ia ka hedhur klerikut me bazë në SHBA, Fetullah Gulen dhe ka kërkuar ekstradimin e tij.

Gulen, i cili ka jetuar në mërgim në Pensilvani që nga viti 1999, ka mohuar akuzën dhe ka dënuar tentimin për grusht shtet.

Grupet e të drejtave të njeriut dhe aleatët perëndimorë kanë frikë se presidenti i Turqisë, Recep Tayip Erdogan, po e merr si preteks grusht shtetin për të shtypur disidentët. Qeveria në anën tjetër ka justifikuar se arrestimet janë kryer në baza ligjore.

Gjatë tentimit për grusht shtet mbetën të vrarë të paktën 240 persona./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm